خاص بالسهرة
""""""""""""""""""""""
مظاهر للشاعر ( طه حسن )
"""""""""""""""""""""""""""""""""""""
مظاهر خداعة ووشوش الوان
وحب مصالح وغش فى ميزان
اصحاب مصالح تعدى وياما كان
اوعى تخدعك المظاهر تبقى ندمان
*******************************
فيه قلوب مخلصة ونفوس وفية
بين الخلايق تلاقيها تائهة ومخفية
لا مظاهر تنبهر بيها ولا قوة وعافية
ضحكتهم رايقة وتملى قلوبهم صافية
********************************
تعالى نشوف الرجولة ونبص على الشهامة
فيه راجل بمعنى الكلمة وكلمته لها علامة
مواقف ينعرف بيها نخوة وعزة و صرامة
غير اللى لايقضى ولا يمضى ويخالف كلامه
**************************************
امور كتيرة نشوفها على غير حقيقتها
تظهر قدامنا بالخير والشر فى جعبتها
وحاجات نخاف منها وتحلو فى اخرتها
علشان كده ماتاخدش المظاهر بهيئتها
**********************************
الشاعر ( طه حسن ) من مصر
الجمعة، 9 فبراير 2018
مظاهر . للشاعر طه حسن
الاشتراك في:
تعليقات الرسالة (Atom)
ليست هناك تعليقات:
إرسال تعليق